Kind: captions Language: ar عارف لما يبقى عندك مشكله كبيره وتسيب المشكله الكبيره وتمسك في حاجات الصغيره وتقول الصغيره ديت لو ماتحلتش انا مش هحل المشكله الكبيره اهو ده اللي بيحصل دلوقتي في المفاوضات ما بين امريكا وايران اللي هتحصل في باكستان المفروض الوفود هتبدا تتحرك بكره يعني الوفد الايراني هيروح باكستان بكره والوفد الامريكي هيروح باكستان بكره علشان يبداوا
مفاوضات يوم السبت علشان ينهيوا الحرب اصلا الموجوده لكن ايران بتقول لو ما وقفش الضرب في لبنان انا مش هوقف الحرب وامريكا بتقول احنا ما اتفقناش معاكم اصلا على لبنان طب ايه المشكله في لبنان بعد ما الحرب الامريكيه الاسرائيليه بدات على ايران حزب الله فتح جبهه ثانيه لانه بيخدم مصالح ايران في المنطقه ففتح جبهه ثانيه على اسرائيل فدلوقتي
ايران بتقول احنا لازم نحمي وكلائنا يعني من الاخر كده احنا بنحمي نفسنا بس برده احنا هنحمي حزب الله من الاخر طالبين من امريكا ان تضغط على اسرائيل عشان يوقفوا الحرب في لبنان طب امريكا بتقول لا احنا مش هنوقف الحرب لان احنا ما اتفقناش اصلا على توقيف الحرب في لبنان ايران بتقول لا احنا اتفقنا مع باكستان ان امريكا
توقف الحرب في كل المناطق وايران توقف الحرب في كل المناطق ف الطرفين ما سايبين الدنيا كلها وماسكين في لبنان دلوقتي طيب هي امريكا ليه عايزه تطلع لبنان بره المعادله من الاخر علشان مش عايزه ترسخ قاعده بان ايران ليها ازرعه في المنطقه و وتطلب وقف اطلاق النار في مناطق بعيده عن ايران وبتقول دي من الاخر دي لبنان دوله
ثانيه خالص ما لكوش دعوه بيها انتم بتدعموها اه واحنا عارفين كده بس احنا مش هنخليكوا تمشوا كلام ماسكه مضيق هرمز عشان توقف الحرب في لبنان امريكا بتقول لبنان بره المعادله ولازم نتفاوض مع ايران عشان ننهي الحرب اصلا حد فاهم حاجه؟
